Its me: Jeewan Yatra

Its me: Jeewan Yatra

Jeewan Yatra

Jeewan ke kathin raho par,
manav nirmit chauraho par,
mai chala gaya bas chala gaya,
m pal pal mujhko bhi chala gaya.
Jab janm liya maine manav ka,
ishwar ka hi roop kahaya,
pal pal rota mai dekh ke sabko,
ishwar tune kaha fasaya,
dekh ko MAA ko gyat hua ye,
ishwar tu bhi saath me aaya,
Teen baras ka bhola bhala,
lagta sansar mujhe nirala,
jeewan ka kuch bhan nahi hai,
mujhe koi bhi gyan nahi hai,
Aathj baras ki aayu hui jab,
man par jhooth ka mail chadha tab,
paap punya ka bhed na janu,
jo karte sab satya hi maanu,
Barah baras ki umra jo aayi,
jeewan ne li phir angadai,
irshya dwesh ka rang chadhaya,
paap fir naye roop me aaya,
Athrah baras me aandhi aayi,
sare paap fir saath me laayi,
Kaam krodh mad moh lobh me,
path bhrasth ho gaya kathin mod pe,
Chaubish baras ki aayu jo paayi,
tab ye bat samjh me aayi,
Roti kapda aur makan,
itni sasti hai ye jaan,
Jab mai tees baras me aaya,
khud ko mujh par taras bhi aaya,
Jeewan ka udyeshya kho gaya,
mai kya tha aur kya mai ho gaya,
Saath baras ab beet gaye,
jeewan ka arth samajhne me,
kitna samay vyarth ho gaya,
is mayavi khilaune me..

Log puchte hai mai ghal kyo likhta hu?

Mere dost mujhse puchte hai k mai ghazal aur shayri kyo likhta hu? Ans. Is given below.
ANS: Likhna kaise chhod du ye meri kahani hai
Kagaz kalam meri hai jo uski diwani hai
Har safhe ko choom k hawa ne ye kaha
Choom lene de kahani mujhe usko sunani hai

Ehsaas

Mana tu mere saath nahi
par tere hone ka ehsas kam bhi nahi hai
Tu ayegi ye aitbar hai mera
na aaye to koi gum bhi nahi hai
Teri talaash me nikle hai garm jajbat mere
dard to hai par jism pe jakhm bhi nahi hai
Roj tanhai me chand se guftgu hoti thi
aaj bhi chand hai goya hum hi nahi hai

Bewafa se wafa

Ik bewafa se jaane kyo wafa kar raha hu main
Uski ibadat kar ke khuda ko khafa kar raha hu main
Ek baar me maut gawara nahi mujhe
Kishto me khudkashi kar raha hu main
Kab tak rahunga kaid me ab to rihai de de
Khud apni ruh ko jism se juda kar raha hu main
Jhakhm mere dil ke ab nasur ho gaye hai
Nashtar laga ke dil pe dawa kar raha hu main

Mere armaan

Kitne armano ko dil me chupa rakha hai
Chirago ki hifajat ko hawao ko bula rakha
hai kaash vo aake kahe hum bhi yaad karte hai tumhe
Ik isi aas pe darwajo ko khula rakha hai
Nind bhi aa jaye to jee bhar ke dekh lu
kitne dino se apni palko ko khula rakha hai
Is dard se ab to muhabbat si ho gai hai
sadiyo se humne apne jhakhmo ko hara rakha hai
Mere jaane ke baad ghut ghut ke mar na jaye dil
Is liye teri yaad ko seene se laga rakha hai

Tujhe yaad ho k na yaad ho

Ai husn be parwah tujhe yaad ho na ho
Ek kissa tha purana tujhe yaad ho na ho
Ek lamhe me simat gai thi zindgi meri
Jab mile hum ajnabi tujhe yaad ho na ho
Sharma ke jab tum palko ko jhuka ke chal diye
Humne bhi kuch duae ki tujhe yaad ho na ho
Khud ko chilman me chipa ke tera mujhko dekhna
Mera chand ka talashna tujhe yaad ho na ho
Teri zulfo ka vo shaano pe paresha jhulna
Meri dhadkano ka thum jaana tujhe yaad ho na ho
Waqt-e-rukhsat me tera hasrato se dekhna
Mera ashqo ko chipana tujhe yaad ho na ho